Ua molimauina nei le patipatia o taumafaiga a le ‘au netipolo a Niu Sila ina ua sola ma le pine ‘auro i taaloga a Malo o le Taupulega i le amataga o lenei vaiaso.
Ma o se taimi muamua lea ua toe manumalo ai Niu Sila i se pine auro i lea taaloga faavaomalo talu mai le tausaga 2010 i New Delhi Initia.
E 16 tausaga ae ua faato’ā toe maua lea e Niu Sila le tulaga muamua i le netipolo i le Commonwealth.
I ripoti, e 48 ‘ai poo sikoa na maua mai le tama’ita’i o Grace Nweke, ma le tulaga maoa’e o taumafaiga a le tama’ita’i o Kelly Jackson ma Karin Burger i tulaga o le taofiofi o le ‘au a Jamaica.
O se matāti’a mata’ina lea mo le ‘au, aemaise o le tele o faafitauli na feagai ma le Silver Ferns i le tele o masina, e pei ona iai le aveese ai o le latou faia’oga o Dame Noeline Taurua lea na toe amata i lona tulaga i le na o le 3 vaiaso amata taaloga a le Taupulega.
I le faatulagana o pine, o le Silver Fern ua manumalo i le pine auro, lona lua Jamaica na maua le pine siliva, ae o le tulaga tolu i le apa memea na maua e Ausetalia.
Puna o Faamatalaga: https://www.rnz.co.nz/news/sport/867989/commonwealth-games-silver-ferns-break-16-year-gold-medal-drought-at-glasgow
