Ua faailoa e le sui faipule o le National Party, Chris Bishop, o lea ua aga’i i luma le vaega faaupufai poo le latou patī, ina ua lē manuia taumafaiga e aveese ai le alii Palemia ma le tulaga o le Ta’ita’i o le National Party, Christopher Luxon.
I lana faatalanoaga ma sui o ofisa faasalalau ma tusitala, na teena e Bishop lona auai i taupulepulega poo taumafaiga e suia le ta’ita’iga o le vaega faaupufai,lea na afua ai se le fonotaga faatopetope a le faafaletui a le National Party i Ueligitone i le Aso Lulu o lenei vaiaso.
Ma i le mae’a ai o lea fonotaga o lea na faamaonia mai ai o lea lava e faatumauina le avea o Christopher Luxon ma ta’ita’i.
Ae e to’atasi se sui faipule na aveese e Luxon ona tofiga faaminisita, le alii o Chris Penk, ina ua lē manuia le latou lu’i e suia le ta’ita’iga o le National Party.
Ta’ua Bishop, e lē o mailoa tonu i se aafiaga ua iai nei le vaega faaupufai i le aga atu i le faigāpalota tele o loo loma nei.
Ae na ia faamatala, o Chris Penk o se tasi o totino ua iloga foi ana taumafaiga, ma ua ia faailoa ai foi lona faanoanoa tele i le mea ua tula’i mai.
Faamanino e Bishop e pau le tulaga ua iai, o le a ia taumafai e taula’i lana vaai e toe aga’i e faatino ana galuega ma matāfaioi ina ia faataunuuina ma ia lelei foi.
I le mae’a ai o le fonotaga a le National, o lea na manino lava le faatumauina pea o le tofiga o le ta’ita’i i le alii o Christopher Luxon, ina ua tuuina atu i lumāmea o le National tulaga o le faatuatuaina o ia e ta’ita’ia lea vaega faaupufai.
Puna o Faamatalaga: https://www.rnz.co.nz/news/politics/985113/live-unified-behind-christopher-luxon-chris-bishop-denies-involvement-in-leadership-challenge
