Na tula’i i le faamasinoga se alii ma se tama’ita’i e tali i moliaga o le fasioti tagata e māfua mai i se faalavelave e feta’ua’ina o se vevesi i se fale i Logan i Brisbane Ausetalia na faamanu’alia ai se alii e 66 tausaga le matua.

Fai mai le 9News na aga’i atu iai le fesoasoani faavavave i le fale lea i Lubach Street i Beenleigh Logan ma ua lipotia se faamatalaga mai leoleo e faapea o se vevesi na tula’i mai i tagata e to’atolu i le fale lea e masani uma i latou ia.

Advertisement

Ua faailoa i lipoti o le tagata e 66 tausaga le matua e aumau ai i le fale lea ae talu ai nei sa ia valaaulia ai le tama’ita’i e 43 tausaga le matua e nofo i lona fale mo se tami lē tumau a o sa’ilia se nofoaga mautū o lea tama’ita’i.

Ua faailoa foi e le 9News o le alii e 47 tausaga le matua e nofo ai foi i le fale lava lea ma ua lipotia sa faailoa e le tagata e ana le fale ia i la’ua uma ia e to’alua e aga’i ese peita’i na mumusu ma o le aso ananafi e aga’i atu le 66 tausaga lea i le fale ua loka, fosi loa lona aga’i i totonu lea o loo feta’ua’ina na amata ai loa le vevesi.

O le tala faanoanoa na maliu ai lava le 66 tausaga lea mai ona manu’aga mai le vevesi e ui i galuega lavea’i na taumafai ane iai.

Ua molia uma le isi to’alua i moliaga o le fasioti tagata ma sa faatalia lo la tula’i ai i le faamasinoga i le aso ananafi.

Puna o Faamatalaga: https://www.nine.com.au/australia-news/qld/multiple-puncture-wounds-screams-heard-before-man-found-dead-in-logan-home-20260819-p60piz.html