Molimauina le faalavelaveina o fuafuga o faigamalaga i le malevaalele faavaomalo i Aukilani i le taeao analela,ona o le malosi mai o le puao, ua ufitia atoa ai le nofoaga ma le tele o faaitu o Aukilani. O lea na afua ai le faalēaogaina o faigamalaga a le Ea Niu Sila.
Faailo i ripoti mai le NZ Herald, o lea na faalauiloa e le pulega o le malae va’alele, e 19 malaga a le kamupani vaalele na fa’aleaogaina, pe e lei faataunuuina, e aofia ai malaga faalotoifale faapea malaga faavaomalo.
Faamauina na amata ona faatino galuega o le mata’itu ma tulaga o le fetuutuuna’i ai o le feoai o vaalele ona o le malosi mai o le puaoa, poo le te’a o le itula e 4 i le vaveao, seia oo mai le te’a o le itula e 8.
Māua i ripoti mai ofisa o le vaaitu, le toe mou atu o le puaoa i le asō ma le lagi lelei mai o foliga o le aso mo Aukilani.
O le toe tulai mai lea o se aafiaga, talu mai le masina talu ai lea sa maitauina ai le aafia o le oo atu i le silia ma le 30 o faigamalaga na lē faataunuuina.
Puna o Faamatalaga: https://www.nzherald.co.nz/nz/auckland/fog-at-auckland-airport-delays-19-flights-cancels-eight/
