O se loketi a le atunuu o Saina sa faatulaga ai le fanaina ane o se satelite aga’i i le vanimonimo, ua pā ma faaletonu i ni nai sekone na fanaina ane ai i le Aso Gafua o le vaiaso nei.
Fai mai lipoti o le loketi lea sa faaigoa o le Long March 7A na faaletonu ae faato’ā 85 sekone talu ona fanaina ane mai le motu o Hainan i le nofoaga e faatino ai tulaga faapea i Saina.
Faamaonia le tula’i mai o lea faaletonu i lipoti mai ofisa faasalalau a Saina ma ta’ua ai o loo faia le su’esu’ega i le māfua’aga o le faaletonu.
I luga o le social media a Saina ua vaaia ai e na o se vaega o le taimi na faaletonu ai le loketi ma ua aveesea foi videos sa tuuina atu mai isi tagata na molimauina le faaletonu.
O le ta’ita’i o Saina Xi Jinping e iai lona faamoemoega e oo atu i le 2050 ua avea Saina ma ta’ita’i o le lalolagi i matāupu faasaienisi.
O le loketi ua faaletonu sa tuufaatasia e le China Academy of Launch Vehicle Technology.
Puna o Faamatalaga: https://edition.cnn.com/2026/08/11/china/china-long-march-rocket-failure-intl-hnk
