Ua lipotia mai e to’a 18 o loo manunu’a e aofia ai le to’alua e tigāina manu’aga ina ua faaletonu se nofoaafi poo le train i le itu i Saute o Egelani ma omia ai pasese i potu o le train na faaletonu ina ua tupu le faalavelave.
Fai mai lipoti na ave uma le ‘au manunu’a i le falema’i mo togafitiga ma sa aga’i ane foi le vaega a leoleo, tineimū ma le taavale a le falema’i i le nofoaga na tupu ai le faalavelave i le itu i Sasae o Sussex pe ā ma le 45 maila mai le itu i Saute o Lonetona.
O le faamatalaga mai le ofisa o leoleo ua faailoa ai o se faalavelave tele ua tula’i mai ma ua aveesea uma mai le pasese a le train pe ā ma le 150 ua toe foi i o latou aiga.
E lē o manino mai i le taimi nei le māfua’aga o le faaletonu o le train ae ua ta’ua o potu e 3 mulimuli o le train lea na aafia ma aga’i ese mai le auala o le train.
O loo faia pea le su’esu’ega.
Puna o Faamatalaga:https://edition.cnn.com/2026/08/13/world/uk-train-derailment-intl
