O le vaiaso nei ua faamanatu ai le tāua o le Gagana Tonga.
I le faamanatuina o lea faamoemoe tāua i Aotearoa, e tele polokalame ua faia e lē gata e faatāua ai le gagana ae faapea foi i le aganuu a Tonga.
Na saunoa ai se tasi o faafeagaiga i le RNZ o le vaiaso o le gagana Tonga o se avanoa mo tagata o le atunuu e toe tomānatu ai ia latou tu ma aga ae faapea foi i le gagana.
E tele isi atunuu o le Pasefika ua amata vaaia le fāi atu o a latou gagana faapea aganuu ma o se popolega tele lea.
O sauniga lotu na faia i Aukilani ma Timaru e faailoga ai le tatalaina aloa’ia o le vaiaso o le gagana Tonga.
O le faamanatuina o lea vaiaso tāua i Niu Sila e mai le aso 16-22 o le masina lenei o Aokuso.
Puna o Faamatalaga: https://www.rnz.co.nz/news/pacific/1042299/tongan-language-week-provides-an-opportunity-for-tongans-to-embrace-their-identity
