O le avanoa ai o nisi o tofiga Faamasino o le Faamasinoga o Fanua ma Suafa ua ave ai nei le faatalauula a le matāgaluega o faamasinoga i le atunuu mo ni talosaga e tuuina atu e faia iai le filifiliga.
Ua faailoa e le Ofisa Sili o le pulega o faamasinoga ma le faafoeina o matāupu tau i le faamasinoga e to’afā faamasino o loo sa’ilia ae e fuafua le faatumuina uma o ia avanoa i le iloiloga a le komisi o le faamasinoga.
O se tasi o vaega tāua o loo faailoa i aiaiga mo ē fia talosaga o le lipoti faafoma’i i le tulaga o loo iai le soifua mālōlōina.
O i latou e i le va o le 55 ma le 62 tausaga o le soifua e agavaa e talosaga mo ia tofiga faamasino.
