E le’i mamao atu lava nai aso na tula’i mai ai se aafiaga i faigāmalaga ona o le malosi o le puao ae o lea foi na toe tula’i mai lea faafitauli i le taeao analeila.
Faaalia e 17 malaga faalotoifale na faatuai ona aga’i ese, ae fitu na lē faataunuuina talu ai le malosi tele o le oso o le puao.
E ui i se aafiaga o faigāmalaga faalotoifale ae na māua le faataunuuina pea o malaga faavaomalo.
O le lona lua ai lea o taimi ua aafia ai le malae vaalele i Aukilani i lenei vaiaso.
Na fautuaina pasese ina ia siaki i kamupani vaalele na faatino ai a latou faigāmalaga mo faamatalaga fou a o le’i aga’i atu i le malae vaalele.
Faamauina i Aukilani na molimauina ai le iai pea o ao maualalo ae na ta’ua le faalēaogāina o le siitia o le puao, ma ono iai ni timuga i le afiafi.
FAAALIGA: O le a faaauau pea ona māta’itūina e le MetService suiga o le tau, aemaise lava i vaega o Northland ma le itu i Sasa’e o le North Island.
