Ua pasia e le Palemene le tulafono tau faaofi o le Gagana Peretania poo le English Language Bill, ma ua avea ai nei le Gagana Peretania ma se gagana aloa’ia o Niu Sila, ua faaopoopo atu e o faatasi ai ma le Te Reo Maori (Gagana Maori), ma le Gagana Faitaga a Niu Sila.
Na saunoa le Minisita o Faamasinoga, Paul Goldsmith, o lenei tulafono ua na o se pine faamau i le tulaga o le faaaogā ai o le faaperetania i totonu o le atunuu, ma e lē avea ia suiga ma tulaga e lepetia ai tulafono ua puipuia ai le gagana Maori poo le gagana faitaga.
Mo le silafia o lenei tulafono taufaaofi na folasia ma finauina e le New Zealand First.
Ae ua upuia e Vaega Faaupufai o loo agaia le malo, lea faai’uga.
Faaalia e nisi o sui faipule, le faaalu sesē ma le lē talafeagai o matāupu o loo finauina e le malo ae lē tagai matāupu aogāma le tatau e pei o le taugatā o le soifuaga ma le vaega tau i le soifua mālōlōina.
Faaopoopo nisi o i latou o le gagana Peretania ua leva ona amana’ia e le to’atele o se gagana tautala i aso uma i totonu o lenei atunuu, ma vaaia o se gagana muamua mo Niu Sila, o lea la e lē tatau ai i le Palemene ona faaalu vale o le taimi i nei ituaiga matāupu.
