Ua faalēaogāina nei e le vaega o le Vaaitau poo le MetService a Niu Sila, fautuaga ma lapata’iga na tuuina mai mo uila ma faititili mo Northland.
O fautuaga na tuuina atu mo tagatānuu o loo aumau i nofoaga i le North ma Whangārei, ina ia māta’itūina lelei tulaga o le ‘emo malosi mai o uila ma le pāpā mai o faititili; maitauina ai le aumaia o timuga mamafa mo faaitu i Mātū o le atunuu.
Na tuuina mai fautuaga o le faalēaogāina ai o lapata’iga nei poo le lata i le itula e 7 i le taeao analeila, ta’ua le molimauina ai o le faaitiitia o le malolosi mai o timuga, ma ua lē aafia ai nei faaitu i tulaga loulouā o le tau.
Ua fautuina foi avetaavale uma ina ia māta’itūina le aga’i ai i luga o auala, aemaise o ni laau pa’ūū ma laina eletise e ono aafia ai.
Ua fautuaina fo’i tagata ina ia taumamao mai vaitafe, ne’i tula’i mai ni faalavelave.
I le taimi nei, o loo valo’ia fo’i le tetele o timuga i le itu i Sasa’e o le North Island i le faai’uga o le vaiaso.
Puna o Faamatalaga: https://www.newstalkzb.co.nz/news/national/northland-severe-thunderstorm-warning-lifted-east-coast-still-under-heavy-rain-warning/
