I le mae’a ai o le 3 itula o le fonotaga a le faafaletui a le vaega faaupufai a le National Party, i le iloiloina ai o le tulaga o le alii Palemia o Luxon e avea ma o latou ta’ita’i, o lea ua faamaonia mai, o loo faatumauina pea le tulaga tofi o lenei alii i totonu o le National Party.
I se taimi ma le ‘aufaasalalau i le aoauli nei, na ia faailoa ai o loo tumau pea le lagolago a le vaega faaupufai ia te ia.
Ma ia faamanino ai, o le a aga’i le National e tilotilo i matāupu e tatau ona fesoasoani atu ai i le atunuu ma fuafuaga o iai i le taimi nei, aemaise o le finau mo le aga atu i le faigāpalota.
Pe na o le minute lava na faatino ai le feiloa’iga lea a Christopher Luxon ma tusitala; e le’i maua se taimi e fesiligia ai o ia e uiga i le fonotaga, ae pau lana tala o loo iai pea le faatuatuaga o le faafaletui poo le caucus, e tusa ai ma i’uga ua iai nei.
Mo le silafia o le lona lua ai lea o taimi o faatino se fonotaga faapea a le National i lenei tausaga, i le feta’ua’ina o faamatalaga ua fesiligia ai le faatuatuaina pea o Luxon e avea ma ta’ita’i o lea vaega faaupufai.
Puna o Faamatalaga: https://www.rnz.co.nz/news/politics/968909/christopher-luxon-s-leadership-on-the-line-as-he-fronts-do-or-die-caucus-meeting
