Na faate’ia le to’atele o tagatānuu o Aukilani i le taeao analeila, i le faaletonu mai o fesoota’iga faaonaponei poo le intaneti, ina ua motusia faafuase’i le auaunaga a le Chorus.
Faamauina i ripoti a le leitio faavaomalo a Niu Sila, o le to’atele o tagata na faailoa le aafia atu o lea auaunaga e mai North Shore, Hibiscus Coast ma Papatoetoe.
E tusa ai ma le ata o le faafanua i nofoaga ae oo atu ai le laina poo le fibre a le Chorus, o loo faailoa ai e silia ma le 240 fesoota’iga ua motusia i Albany, Redvale, Long Bay ma Rosedale.
Faamanino mai e le Chorus o loo galulue nei ana aufaigaluega, o inisinia o matātā faatekonolosi, e sa’ili le māfua’aga na tula’i mai ai le faaletonu.
Ta’ua foi e le Chorus e toe faafoisia lea auaunaga i le taeao o le Aso Lulu.
Ua maitauina foi i ripoti le maualuga o faamaumauga ma o lipoti e oo atu o faaletonu i le faaaogāina o lea auaunaga tau intaneti i kamupani o le Spark, One NZ, 2degrees ma Slingshot.
Puna o Faamatalaga: https://www.rnz.co.nz/news/business/959275/chorus-outages-affecting-fibre-internet-across-auckland
Comments
Loading comments…