Ua faamauina le lē auai o le alii o Wallace Sititi i le lisi o tama taaalo a le ‘au a le All Blacks i ana taaloga faitaulia o loo loma nei.
Faaalia e le faia’oga ulu, Dave Reenie, o se faai’uga na ala mai i taumafaiga a lea alo o le atunuu i le taaloga ma Italia, e ui i le malo o le ‘au a Niu Sila.
Ta’ua e Dave Rennie, e fai sina tele o sasi a Wallace i lea taaloga ma i lona iloa e tatau i le alii 23 tausaga ona taga’i lelei i mea e ao ona toe faaleleia i ana taumafaiga i le aga atu i le lumana’i.
Faamanino e le alii taalo ia Wallace, e malamalama lelei i tulaga o fuafuaga faataatitia a le ‘au, ma i le si’osi’omaga a le All Blacks e maualuga lava tapenaga ma e tatau lava i soo se tasi ona maoa’e ma lelei le ta’alo i taimi uma pe afai e fia maua se avanoa.
E ui i le lē iai o le alii i le lisi o le ‘au i le taimi nei, ae o loo iai lava le faamoemoe e finau ina ia alu alu pea i luma ana taumafaiga ma maua ai lona avanoa.
Ae i le taimi nei o le a tapena ma sauni atu o ia i le taaloga amata ma se ‘au faaitumalo i Aferika i Saute, lea o le a iloilo ai le All Blacks ma le Stormers i Cape Town i le Aso Faraile.
Puna o Faamatalaga: https://www.rnz.co.nz/news/sport/875732/wallace-sititi-says-all-blacks-axing-was-tough-as-he-eyes-test-return
