O le vaiaso nei ua faatulaga e amata ai taaloga a Malo o le Taupulega, poo Commonwealth Games i Glasgow.
O le aso 24 o Iulai e oo atu i le aso 3 o Aokuso ua fuafua iai ia taaloga e ta’i fā tausaga ma faia mo atunuu e aofia ai.
O le taimi nei ua gasolo atu ‘autaaalo mo lea faamoemoe e aofia ai ma atumotu o le Pasefika.
Fai mai le RNZ na amata mai ia taaloga i le 1930 sa faaigoa o le British Empire Games; faato’ā sui i le Commonwealth Games i le 1950, ma talu mai le 1978 ua faaigoa tele ai lava o Commonwealth Games.
O le tausaga nei o loo talimalo ai Glasgow i Sikotilani, o le faalua ai lea ona latou talimalo ma ua faailoa i taaloga ia e ono auai uma sui o le Commonwealth e 74 ma e tatala taaloga i le Aso Faraile nei.
O Samoa le isi atunuu o loo auai, e silia i le 20 lana autaaalo ua aga’i atu mo Glasgow.
Puna o Faamatalaga: https://www.rnz.co.nz/news/sport/763452/what-you-need-to-know-about-glasgow-commonwealth-games
