O le matāupu e faatatau i le toe tatala o le ogasami o le Strait of Hormuz ua amata lava ona atili tulai ai ni popolega aemaise ona ua lapata’i ane foi le International Energy Agency ua faasolo lava ina faaitiitia le suāuu i le tulaga faavaomalo.
O loo lē mautonu pea feoa’iga a vaa i le ogasami lea e ui o loo maumaua’i pea Trump o loo matala le Strait ma o loo faatonutonu e Amerika feoa’iga i lea vaega.
Ua folafola e se tasi o faufautua sinia a Iran i le CNN e ono faaumiumi e Iran le taua lenei se’ia oo ina aga’i ese Trump mai le tofi.
Ua faailoa foi e le CNN se faamatalaga mai le Matāgaluega o le Va i Fafo a Pakistan, o le maliega i le va o Amerika ma Iran o loo tumau pea e ui i lo la mumusu e fesuia’i tulaga o iai i le taimi nei.
O loo finau ane Tehran e tatau ona maua se taui mo le faaleagaina o le suāvai lea na masaa iai le suāuu i le Persian Gulf poo le Faga i Peresia mai le tele o tausaga ua tuana’i.
Fai mai le sooupu o le va i fafo a Iran o soo se vaega e penefiti mai vaa faapisinisi ia e ui atu i le Strait of Hormuz e tatau ona iai sa latou matāfaioi faaletulafono e fesoasoani ai e fo’ia faafitauli tau le si’osi’omaga o loo aafia ai ia ogasami ona o suāuu o loo masaasaa ai.
Puna o Faamatalaga: https://edition.cnn.com/2026/08/12/world/live-news/iran-war-trump
