O le vaiaso nei le faigāpalota a le Atu Kuki e ta’i fā tausaga ma faia.
E pei lava la o le tele o atunuu i lea itulagi, e tele foi lu’itau o loo feagai ma le atunuu ona o lea faamoemoe.
O loo lipotia i le RNZ Pacific o le Palemia o le atunuu ma o le ta’ita’i foi o le Cook Island Party, Mark Brown e lē o iai sona masalosalo i le matāupu o loo ave iai le faamuamua a tagata i lea faigāpalota.
Fai mai Brown o le sana faamalosia o le faatupula’ia o le tamaoaiga o le atunuu talu mai le koviti o le faamuamua lea a lana patī.
Ua o latou vaavaai foi i le siitaga o tupe maua i le welfare poo le soifua manuia o tagata, penisiona a le ‘au matutua, fanau aemaise foi i le tau o le soifuaga.
E anoanoa’i matāupu o loo māta’itū e le ‘au palota i le vaiaso nei a o sauni ai mo le faia o le palota e aofia ai ma le matāupu e faatatau i le sootaga ma Niu Sila lea sa tau afaina i se taimi e le’i mamao atu.
Puna o Faamatalaga: https://www.rnz.co.nz/news/pacific/970743/cost-of-living-water-tariffs-mining-on-cook-islanders-minds-ahead-of-election
