Ua vāvāō sui o le Palemene e uiga i faamatalaga na lalafo e le alii Minisita o le Va i Fafo, o le ta’ita’i foi o le vaega faaupufai a le NZ First, Winston Peters, aga’i i le sui faipule o le vaega faaupufai a le Green Party, o Lawrence Xu-Nan.
Faamauina a o tula’i Winston Peter, e faatino sana folasaga i luma o le Palemene, o lea na faalavelave ai le alii faipule o Lawrence e ala i lona valavala’au atu a o taumafai e faaleo se matāupu e faasino i le Koviti-19.
O le taimi tonu lava lea na liliu ane loa Winston ma lalafo ai loa faamatalaga ia Lawrence, “toe foi i le mea na e sau ai” “go back to where you’ve come from”.
O faaupuga na faaalia e le alii Palemia ua fai lava sina faailogalanu ma le lē talafeagai i le sui faipule Saina.
Ma o lea sa faia se la feiloa’iga.
Ae ina ua fesiligia e tusitala Winston Peters poo le ā se iuga o le la talanoaga ma le Palemia, ae e le’i tali le ta’ita’i o le NZ First.
Na fesiligia foi, pe faatoese, ae faapea ane Winston e na te lē faatoese talu ai le faalavelave atu o Lawrence ia te ia a o faatino lana folasaga i le Palemene.
Ae o lea ua faamauina le talosagaina ai e le Green Party o le Fofoga Fetalai o le Palemene ina ia faatonuina Winston Peters e toe aveese ana faamatalaga lē talafeagai ma le faailogalanu ma ia faia sana faatoesega i le alii o Lawrence Xu-Nan.
Puna o Faamatalaga: https://www.rnz.co.nz/news/politics/882545/winston-peters-refuses-to-apologise-for-racist-comments-after-meeting-with-pm
