E lē talia e le palemia o Isaraelu Benjamin Netanyahu le fuafuaga mo se filemu a Amerika e pei ona faailoa talu ai nei mo Gaza, fai mai Netanyahu sei vagana lava ua aveesea uma auupega a le Hamas ona faatoa agai ese mai foi lea o vaega’au a Isaraelu mai lea faaitu.
O faamatalaga ia ua lipotia e le CNN i le silia nei ma le vaiaso talu ona folafola e Trump ua iai se tulaga ua oo iai feutanaiga ma lana Board of Peace ma vaega e 15 na faalauiloa e faatumauina ai le nofo filemu.
I le saunoaga a Netanyahu i le mataupu lea na ia muai faamanino ai e teena e Isaraelu le pepa o faamaumauga e aofia ai vaega ia e 15 pei ona faailoa e Amerika.
Fai mai le palemia e mafai ona aga’i ese mai vaega’au a Isaraelu mai Gaza, se’i vagana lava ua ave’ese’a uma mai le Hamas mai lea fa’aitu, ma ua fa’ailoa fo’i e Netanyahu o le taimi atoa o lo’o avea ia ma palemia e lē fa’atuina lava se setete o Palesitina i Gaza po’o le West Bank fo’i.
Ole taimi nei o loo nofoia e vaega’au a Isaraelu le silia i le afa o Gaza ma oloo fia faalautele atu a latou pulega i isi faaitu.
Puna o Faamatalaga: https://edition.cnn.com/2026/08/09/middleeast/israel-gaza-trump-netanyahu-plan-intl?iid=cnn_buildContentRecirc_end_recirc&recs_exp=most-popular-article-end&tenant_id=popular.en
