O loo i Niu Sila nei sui o le Ofisa o le Komesina o Sulufa’iga poo le Ombudsman a Samoa, mo se polokalame e tauala mai i se faigāpaaga a le Matāgaluega o le Va i Fafo ma Fefaataua’iga a Niu Sila, faatasi ai ma le Ofisa o le Komesina o Sulufa’iga a Niu Sila.
I le ulua’i vaiaso i Aukilani, sa feiloa’i ai le aumalaga ma le Komesina o Sulufa’iga a Niu Sila, John Allen, ma lana aufaigaluega.
Sa asia foi le Maota Fono a le Palemene, le Beehive i Ueligitone, o le Ofisa o le Su’etusi Sili, le Komisi o Aiā Tatau a Tagata, ma le Faletusi o Alexander Turnbull lea o loo teuina ai le ulua’i kopi o le Feagaiga o Waitangi.
Na maua foi le avanoa e feiloa’i ai ma le Komesina Maualuga o Samoa i Niu Sila, lana Afioga Afamasaga Faamatalaupu Toleafoa, ma auai i ni mafutaga e talanoaina ai le galuega a le Ofisa o le Komesina o Sulufa’iga faapea ma le faiga o faasalalauga i Niu Sila.
O loo iai nei le aumalaga i Ueligitone mo le vaiaso lona lua o le polokalame, lea o le a faaauau ai feiloa’iga ma sui mai isi Ofisa o Komesina o Sulufa’iga i le Pasefika.
O se polokalame o loo tauala mai i le Manaaki Scholarship Programme.
Puna o Faamatalaga: https://www.facebook.com/share/p/1DEPcSLmyr/
