A itiiti mai pe 111 i latou ua faamaonia ua maliliu i le mafui’e ua aafia ai le atunuu o Colombia i le vaiaso nei.
Ua faamauina e to’atele o loo manunua i le mafui’e aupito malosi lea ua aafia ai le atunuu e 7.4 lona malosi i le fua mafui’e.
O le itu i Sisifo o le atunuu lea o loo aafia ma ua saunoa le Peresetene o Aberlardo de la Espriella o loo faagasolo galuega lavea’i ma le sa’ilia o ē ua aafia i lenei faalavelave.
O le isi vaega na aafia o se tasi o falema’i i le aai o Cali ma ua folafola ai e le faigamalo le aafia o le atunuu i lalo o poloa’iga o se faalavelave faalenatura ma ua aga’i atu ai fitafita e faatino galuega fesoasoani.
Fai mai ua faamauina le faalogoina malosi o le mafui’e i San Jose del Palmer o se vaega e lē o lelei ona atina’e i le itu i Sisifo o Colombia pe ā ma le 150 maila i le itu i Sisifo o Bogota.
Faalogoina le malosi o le mafui’e i le taulaga ma vaaia ai le tamomo’e ese mai o tagata ma aga’i atu i nofoaga mo le saogalemu.
O loo faaauau galuega lavea’i ma fautuaina tagata ia faaeteete mai le feoa’i aemaise o le māta’itū o nisi lūlūga poo aftershocks.
Puna o Faamatalaga: https://edition.cnn.com/2026/08/10/world/live-news/colombia-earthquake-san-jose-del-palmar
