Siamupini o le lalolagi le tama’ita’i Samoa o Epenesa “Bugg” Elison, i le taaloga o le tauiviga i le vaega o le Under-17

O se tala fiafia, o le maoa’e o taumafaiga a alo ma tamafanau a Samoa i atunuu mamao.

E pei o le manumalo ai o le tama’ita’i o Epenesa Teuila Elison i le taaloga o le tauiviga poo le wrestling.

Lea na sola ai Epenesa ma le Siamupini o le lalolagi i le vaega o le Under-17. 

O Epenesa na tauva i lalo o le fu’a a Amerika, i lea taamilosaga faavaomalo na faia i Baku i Azerbaijan.

Ma ua avea ai Epenesa ma Siamupini o le lalolagi lona 100 lea a le ‘Au a le Iunaite Setete (Team USA) i le vaega o le “Cadet” ma le vaega i lalo ifo o le 17 tausaga le matutua. 

Faamauina o Epenesa e iai ona faasinomaga i Satapuala ma Lelepa i Samoa, ma ua ia ta’ua o lona sini o le tauva lea i Taaloga Olimipeka i Los Angeles i le tausaga e 2028.

Puna o Faamatalaga: https://www.facebook.com/share/v/19MtFx4zoL/