Ua toe afea le atina’e o le taaloga lakapi i le atunuu i le lagolago malosi a le kamupani o le Vodafone Samoa, e pei ona toe sainia ai le maliega i le va o le pulega o lea auaunaga tau telefoni ma fesoota’iga faaonaponei ma le pulega o le Lakapi Samoa.
E silia i le ono tausaga le lagolago a le Vodafone Samoa i le atina’eina o lea taaloga ma le faamoemoe o le a fesoasoani ai i le una’ia o alo ma fanau a le atunuu e siitia le taaloga i se tulaga maualuga ma lelei.
Ua ave ai le faafetai a le Ofisa Sili o le Lakapi Samoa ma le pulega i le kamupani ona e lē o tuua pea le lagolago atu ma galulue faatasi.
O le toe ave o le lagolago a le kamupani i le Lakapi Samoa o se taimi talafeagai ua faatino ai, a o tapena le ‘au a le Manu Samoa i le taamilosaga o le Ipu o le Lalolagi i le tausaga fou.
