Ua folafola mai e le Peresetene o Amerika, Donald Trump o le a faaitiitia faata’ita’iga tau militeli e faia a lona atunuu ma Korea i Saute ma ua faailoa foi le tulaga lelei o a la sootaga ma le ta’ita’i o Korea i Mātū, Kim Jong Un atoa ai ma le leai o se lagolago a Korea i Saute i le taua ma Iran.
Fai mai Trump i ana tusitusiga i upega tafa’ilagi, e pei ona lipotia e le CNN, e lē o fiafia i le matāupu lea ua leva ona malie Amerika e auai i faata’ita’iga fai faatasi tau militeli ma Korea i Saute, ma e lē taugofie lea tulaga ma e mātele lava ina tele tupe e totogi ai e Amerika.
Na ta’ua foi e Trump sa ia talosaga ia Korea i Saute mo sana fesoasoani i le taua a Amerika ma Iran aemaise o le matāupu i meatau faaniukilia a Iran peita’i na tali ane Korea i Saute e leai.
Ua faailoa i le lipoti le māfana o le mafutaga a Trump ma Kim Jong Un, le ta’ita’i o Korea i Mātū.
Lipotia ua leva ona upuia e Kim faata’ita’iga ia a Amerika ma Korea i Saute ma e lē taumate la lea o le a iai se suiga i le va o atunuu e 2 talu le folafolaga a le alii Peresetene.
Puna o Faamatalaga: https://edition.cnn.com/2026/08/16/middleeast/trump-south-korea-military-exercises
