Ua avea ai nei le tama’ita’i o Haylani Eniata o loo silafia e le to’atele i lona suafa sa avea ai ma Tausala o Samoa Haylani Kuruppu, ma faamasino e taiulu i le galuega o le a sa’ilia ai se tama’ita’i e avea ma Tausala Niue Ausetalia poo le Miss Niue Australia.
Ua faailoa e le komiti o loo tapenaina lea tauvaga le talia ai e lea alo tama’ita’i o Samoa sa ia maua le tulaga lua i le tauvaga o le Miss Global o lea filifiliga, ma ua amata ai ona lotolotoi i le tapenaina o ni tama’ita’i Niue i Ausetalia e fia auai.
Ua faaalia e le komiti o tapenaga le matuā tāua o le talia e Haylani o le avea ma faamasino ulu poo le head judge, ona ua telē le silafia ua ia te ia ona o tofiga Tausala sa ia tauaveina a o avea ai ma Tausala o Samoa.
