O loo feagai nei le Commonwealth of the Northern Marianas ma se faafitauli o le fuālaau faasāina o le methamphetamine poo le ‘aisa.
O lapata’iga ia ua faailoa ane e pulenuu e fā o lea teritori o Amerika i le Pasefika.
O pulenuu o Saipan, Rota, Tinian ma Aguiguan ua o latou faailoa ua lē o toe mafai ona o latou taofiofia pe silafia foi le tulaga ua iai le ‘aisa i le atunuu ma ua mae’a faatino foi galuega fai faatasi e sa’ilia ai se fesoasoani e tusa o le faafitauli.
O le tusi a pulenu ia sa tuuina atu i le DEA Director ua faailoa ai o le ‘aisa o se faamata’u aupito vave i le soifua mālōlōina, saogalemū ma le nofo lelei o komiuniti ma ua o latou sa’ilia nei nisi fesoasoani mai le malo.
Ua valaau foi pulenuu mo le faia o ni a’oa’oga ma fesoasoani i le komiuniti i ni polokalame e taofia ai ma faaitiitia ai lea faafitauli i le Atu Mariana.
Puna o Faamatalaga: https://www.rnz.co.nz/news/pacific/1043948/cnmi-mayors-warn-of-escalating-meth-crisis-ask-for-more-dea-resources
