O se nofoaafi la’upasese ua fesoota’i ai Finland ma Suetena poo Sweden ua amata nei ona faaaogāina, ua avea o le sootaga lea o atunuu e 2 o le itu i Mātū o Finland ma le itu i Saute o Europa.
Ua vaaia ai le to’atele o tagata i le nofoaga e faataunuu iai le train, faailoa le fiafia ma le taliaina lelei o lenei fuafuaga.
Fai mai o le vaitau o le 1980 aga’i i le 1990 na taofia ai lea fesoota’iga ona o le laitiiti o le numera o tagata e faaaogāina aemaise o faigatā foi i le auala sa faaaogāina i le va o atunuu e lua.
O loo faaauau nei galuega mo le faaleleia atili o le auala ma lona lautele ia talafeagai ma auala i Europa ae e faalua ona alu malaga a le train lea i le aso e aga’i ai i le itu i Sisifo o Finland a o le’i kolosi ane i le tuaoi i le va o atunuu e 2, o se faamāmā avega mo tagata femalagaa’i i le va lea.
Ua saunoa le Minisita o Fela’ua’iga a Finland o le toe faaauauina o lenei auaunaga ua atagia ai sootaga lelei o atunuu e lua ma le galulue faatasi.
Puna o Faamatalaga: https://www.bbc.com/news/articles/cx2lwpzz6qjo
