Ua folafola mai nei e Beijing i Saina nisi o ana gaioiga ua faia faasaga i le malo tele o Amerika.
Ua faamatala o ia gaioiga ua faia e tali atu ai i gaioiga talu ai nei a Amerika lea ua taula’i i kamupanī mai Saina e faatatau lava i tulaga tau fefaataua’iga.
Fai mai le CNN o loo feta’ua’ina le fonotaga a ta’ita’i o ia atunuu e lua i le masina fou e faia i Amerika.
Ua folafola mai nei la e Saina o le a faia sā i nisi o kamupanī Amerika e aofia ai ma se auaunaga o matāupu faaonaponei, biotech ma ofisa tau le su’esu’ega ma o le a faamalosi foi tulaga o tulafono i oloa e auina i fafo ma le faatekonolosi.
Ua faasā foi tagata i Saina ona toe fai pisinisi ma pisinisi Amerika e pei ona faailoa i lisi.
Fai mai le ofisa o Saina ua leai se isi avanoa mo latou ae toe tali atu ia Amerika i le tali lea.Ua o latou una’ia foi le malo tele ina ia taofia ma toe suia gaioiga sa faia i pisinisi Saina ae ia galulue faatasi e faatumauina le nofo lelei.
Puna o Faamatalaga: https://edition.cnn.com/2026/08/05/china/china-us-sanctions-intl-hnk
