Ua pu’e e leoleo se alii i le mae’a ona maua o le tinomaliu o se tama’ita’i i se fale i le itu i Saute o Brisbane i Ausetalia.
Fai mai o le te’a laitiiti o le 12 i le vaveao na valaau ane ai le fesoasoani faavavave i le fale lea i Rowanda St i le faaitu o Logan i Brisbane ona o lipoti o se faaoogalima.
Na taunuu atu leoleo ma o latou maua ai le tama’ita’i e 27 tausaga le matua, ma faia iai galuega lavea’i peita’i na maliu ai lava i lea nofoaga.
O le alii e 37 tausaga le matua sa iai foi i le fale i le taimi lea, na pu’e e leoleo ma e masani ma lē ua aafia.
Faailoa e le 9News o loo silasila leoleo i lea faalavelave o se matāupu foi e faatatau i sauāga i aiga.
Fai mai e le’i faia ni moliaga i le taimi nei ae o loo faaauau le su’esu’ega i le māfua’aga o le faalavelave.
Puna o Faamatalaga: https://www.nine.com.au/australia-news/qld/woman-found-dead-slacks-creek-brisbane-20260812-p60nix.html
