Ua toe silasila le faiaoga ma le pulega o le Manu Samoa i vaega sa faaletonu ai lana taaloga i le Aso Sa ma Georgia, ma sauniuni ai e feiloai ma le ‘au a Romania i le faaiuga o lenei vaiaso.
O le taunuuga o le taaloga ma Georgia 12 le Manu Samoa i ‘ai e 33 na manumalo ai Georgia. Ua faailoa e le taitai malaga i se faatalanoaga ao lumanai le taaloga ua mae’a atu nei, o le tāua o taaloga o le taamilosaga o le Nations Cup o loo tausinio ai i le taimi nei, o le tapena ai o le Manu Samoa i le taamilosaga o le Ipu o le Lalolagi i le tausaga fou.
