O se talafaasolopito le avea ai o se alii Samoa e suafa ia Alofa Tunoa Ta’amu i totonu o Amerika ma ulua’i alii Samoa ma le Pasefika ua filifilia e avea ma se tasi o sui e taalo i taaloga o le NHL poo le National Hockey League a Amerika.
I ripoti ma tusitusiga, o le alii o Alofa na lona 199 o ē na filifilia e le Winnipeg Jets mai ia i latou uma na filifilia pe na draft mo le NHL.
Na filifilia mai Alofa Tunoa Ta’amu a o taalo lea alii mo le Edmonton Oil Kings.
Faamatala e i latou o Scouts poo ē sa’ilia tama taaalo, o Alofa o se tagata malosi, ma e tino malosi foi, e mata’ina ana taumafaiga i le ‘aisa ma e ese le malosi o lana puipuiga o le laina i tulaga o taaloga i soo se taimi e taalo ai.
O se matāti’a maoa’e lea foi ua ausia e se tasi o alo ma tamafanau a Samoa ma e momoli atu ai le faamalo e tusa ai ma lea matāti’a.
Puna o Faamatalaga: https://illegalcurve.com/winnipeg-jets-2026-7th-round-draft-pick-199th-overall-alofa-tunoa-taamu/
