Ua sauniuni tagata tietie uila vilivae mai atunuu i fafo i le tu’uga o lenei tausaga o le a taamilo ai i motu o Upolu ma Savaii mo le sefulu ai lenei o tausaga o fai mai i Samoa lea taaloga.
Ua faailoa e le susuga Seti Afoa o le faatonu o le tu’uga uila vilivae o le Tour of Samoa, o se avanoa lelei tele i lea taaloga e maimoaina ai e le ‘au tietie uila mai fafo o laufanua lafulemu ma lanulau’ava o le atunuu, o se isi faalauiloa lelei i atunuu i fafo o le atina’e o tagata tafafao mai i Samoa.
O le Aso Gafua a sau, 17 o Aokuso e amata ai le tu’uga i Upolu lea o le a muamua aga’i i Lalomanu i Aleipata ma faasolo atu ai lava se’ia oo i le uafu i Mulifanua ma faaauau atu i Savaii.
O le sefulu tausaga o lea tu’uga ua faailoa i se pepa faalauiloa o tagata tietie uila vilivae mai fafo sa latou maua le siamupini i le tulaga muamua.
O loo iai ma nisi mai lo tatou atunuu o loo fiafia i lea taaloga o le a auai i le tietiega ma tu’uga uila vilivae o le 2026.
