Ua lipotia mai nei e le leitio faavaomalo a Niu Sila, le RNZ, o loo feagai nisi o tagata faigaluega o le Auaunaga a Leoleo ma moliaga e aofia ai le ave faamalosi o se tagata, solitulafono o le faiaiga faifaamalosi, o le faatau faasolitulafono o fana, o le tufatufaina o fualaau faasāina, faaoolima, taufaamata’u ma isi solitulafono.
Talu mai le faavaeina o le National Integrity Unit i le tausaga e 2020, e 117 matāupu ua su’esu’eina, ma e 22 moliaga ua oo atu i luma o le faamasinoga.
E oo mai i le masina o Me, e 39 matāupu o loo faasolo iai su’esu’ega a le Anti-Corruption.
Saunoa le Komesina Lagolago o le Auaunaga, Leigh MacDonald, e leai se isi e sili atu i le tulafono, ma e faia lava le faai’uga tatau i soo se tagata faigaluega lava pe a faamaonia ni amioga lē talafeagai poo ni solitulafono.
Puna o Faamatalaga: https://www.rnz.co.nz/news/crime-and-justice/875728/at-least-10-police-staff-face-criminal-charges-after-anti-corruption-investigation
