Na iai se matāupu na tula’i mai i Hillcrest i le faai’uga o le vaiaso talu ai, e faamauina o se matāupu o loo aafia ai le faaaogāina o se laaumalosi.
Ta’ua i ripoti, na logoina leoleo ina ua oo atu se alii i le falema’i ua aafia i ni manua’aga mai se laaumalosi poo le 15 minute i le 12 i le vaveao o le Aso Sa.
Faamanino e Acting Detective Inspector Megan Goldie, e fai sina tugā o manu’aga o lea tagata ma o loo iai pea i le falema’i mo togafitiga.
O loo faia su’esu’ega a leoleo e sa’ili tonu le māfua’aga na tula’i mai ai lea matāupu, ma sa’ili tagata o loo aafia ai.
Ua talosagaina ai e leoleo le fesoasoani a le mamalu o le atunuu mo ni faamatalaga, poo se tasi e silafia lea matāupu ina ia vave faafesoota’i atu le ofisa i le numera 105, ma tuuina atu le numera o le matāupu, 260803/4554.
O loo mafai foi ona tuuina faamatalaga i le vaega ua ta’ua o le Crime Stoppers.
Puna o Faamatalaga: https://www.nzherald.co.nz/nz/auckland/hillcrest-firearms-incident-man-admitted-to-north-shore-hospital-with-unexplained-gunshot-wound/TFSN363DGFBR7KKTIYPWYBN4QU/
