Ua molimau nisi o tuaoi o se community centre I Mt Roskill na lalafi I totonu o o latou fale ina ua faalogoina le papa o fanai ile pogisa ile maea ai o se faapotopotoga tele o tupulaga talavou sa faia I le kapaka o lea nofoaga.
O loo suesue nei e leoleo le faalavelave lea ae ua lipotia e le Herald e toa ono na manunua ai ile tulimanu o Sandringham Road ma Gifford Ave I fafo ane ole Wesley Community Centre ile po o le aso faraile na tea nei.
Fai mai tuaoi ile lipoti a le Herald ose kulupu o talavou pe a ma le toa 14 na vaaia o inuava ma pati ile afiafi lea I le kapaka ole community centre, fai mai molimau poo le afao le 10 ae latou faalogoina loa le pa pa ane o fana ma vaaia le taape o le faapototopoga lea, fai mai nisi o tuaoi sa matuai lagona le fefe ma nao le lafi I totonu o le fale mo le saogalemu.
O loo lipotia I le mau a tuaoi o tamaiti pe a ma le tai 14 ma le 15 tausaga lea na aofia I lea mataupu.E toaono la o loo togafitia I le falemai ona o manuaga mai lea faalavelave e le mailoa poo le a tonu le mafuaaga.
