Ua taua e Sonny Bill Williams ile Newstalk ua amata nei le faatalanoaina o se la fusuaga ma Jake Paul. Ole amataga ole masina nei na luiina ai e Paul le alii o Sonny Bill e ono avea ma leisi tagata la te fetaui ma iai foi I lana hitlist lea e aofia ai  ma Floyd Mayweather,Oscar de la Hoya,Anderson Silva ma Michael Bisping.

Ua lipotia le tali atu o Sonny Bill I lea valaau I luga o le Twitter ma faailoa lona naunau foi I lea tulaga ma ia faailoa foi I le Stan Sport ua fesootai atu le Team a Paul ia te ia e tusa ai  olea mataupu.

Fai mai Williams o loo vaavaai poo se taimi o Aukuso e toe agai ai I le maea. Taua ile lipoti ae lei faia le fusuaga talu ai a Sonny Bill ma Hall lea na malo ai,sa iai I se fight camp I le UK,toleni faatasi ai ma Tyson Fury ma Joseph Parker.

Fai mai Williams ua ia lagona ua faasolo ina lelei lona malosi. Ese mai le fusuaga lea o loo faatalitali pea le toatele pe ono iai se taimi e fetaui ai Williams ma le alii Ausetalia o Paul Gallen.