E toa 33 isi tagata ua maliliu I Niu Sau Uelese ma Vitoria ona o le koviti. Mai le au maliiiu ua faamauina e toa 18 mai Niu Sau Uelese ma le toa 15 mai Vitoria . O le aso lava ia ua lipotia I Niu Sau Uelese e 9849 ua aafia I le faamai , o lona uiga ua siitia foi pe a fua I le 7985 na iai ile aso ananafi.
I Vitoria ua lipotia e 9265 tagata aafia ma ua siitia foi mai le 7643 mai le aso ananafi. Ua lipotia foi le siitia laititi o le aofai o tagata ua faataotolia I falemai ona o le koviti 19 lava.
Ua faailoa mai ia fuainumera ao sauni ai tamaiti aoga I setete uma e lua e toe foi I aoga ina ua maea tuuaga. I Kuiniselani e toatasi ua faamauina ua maliu ma le 5142 o tagata ua aafia.
