O loo silasila nei le Hamas i se fuafuaga ua tuuina ane e Isaraelu ina ia taofia ai vesiga i totonu o Gaza ma faasa’oloto ane ai tagata o loo ave faapagota e le Hamas faapea foi ma le faitau selau o tagata Palesitina o loo taofia faapagota e Isaraelu.
O le fuafuaga mai ia Isaraelu na maua e le Hamas i le amataga o le vaiaso nei ma o loo faataatia atu ai le 45 aso o se nofo filemu i le va o itu e lua ae fetuuna’i se filemu tumau mo lea itu o le lalolagi.
Fai mai o loo valaau foi le proposal poo le fuafuaga lea mai ia Isaraelu ina ia aveesea mai a’upega mai Gaza.
O loo ta’ua i le CNN o le a lē malilie ane le Hamas i se fuafuaga mai ia Isaraelu e valaau ai i le aveesea mai o auupega mai Gaza pe vaai foi le toe foi ane o fitafita a Isaraelu i Gaza.
O le taimi muamua lea ua tuuina ane ai se fuafuaga mai ia Isaraelu aga’i i le taofia o vevesi talu mai le maliega talu ai.
Puna o Faamatalaga: https://edition.cnn.com/2025/04/15/middleeast/israel-proposes-gaza-ceasefire-deal-to-release-hostages-intl/index.html
