Ua maea sainia e Niu Sila ma le United Kingdom maliega o fefaatauaiga saoloto
O le po anapo na faia ai lea sainigaaao I le va o le minisita o fefaatauaiga a Niu Sila, Damien O’Connor ma le failautusi a UK mo fefaatauaiga faavaomalo
O lea maliega ua faamatalaina e le minisita I le taeao nei, o se faaiuga lelei tele lea o le le toe iai o se tariff poo lafoga faaopoopo I luga o uaina auina atu a Niu Sila lea e tusa ma le $14 miliona
O le auina atu foi o le honey o lea foi o le a aveesea tiute, aemaise o le teuteuga o nisi o aiaiga o loo auina atu ai aano o manufasi lea o le a faafaigofie
O se faitotoa ua taua e le minisita o le a manuia ai I latou o loo auina atu I fafo nei oloa mo fefaatauaiga faapea le atunuu atoa, ma ua saga faamausali ai le mafutaga a Niu Sila ma le UK
O le maliega lenei na amata faailoa mai I le masina o Oketopa o le tausaga talu ai, ma o lea sa muai ioeina I lalo o tuutuuga peitai o lea ua sainia nei ma o le faaiuga o le tausaga nei o loo fuafua e amata aloaia ai
O se maliega ua faamoemoe o le a siitia ai le tamaoaiga o Niu Sila mai le $700 miliona I le $1 piliona
