Ua iai popolega i leoleo i Sini i nisi vevesi e ono toe tulai mai i le faaiuga o le vaiaso i taaloga talu le faalavelave ua maliu ai foi se tasi i le vaiaso nei, na fana e se tagata.
O loo ta’ua i lipoti mai leoleo i totonu o le 2 tausaga ua tuanai e to’a 12 tagata ua fasiotia i vevesi i le va o kegi, criminal underworld. O le faalavelave i le vaiaso nei e aofia ai le auso o Omar ma Tarek Zahed mai le kegi a le Comanchero.
I le masina o Aperila na fanaina ai foi se isi alii e suafa ia Mahmoud Brownie Ahmad i Greenacre. E ui ina fai mai leoleo ua faaopoopo a latou gaioiga ua faia talu mai le faalavelave i le vaiaso nei, ae o le popolega ina ne’i faatetele i le faaiuga o le vaiaso.
Fai mai leoleo o nei vesiga ua faateteleina ma ua maliliu ai tagata mai le aiga o Alameddine faapea foi ma le aiga o Hamze. O loo ta’ua i le asō e iai taaloga lakapi sa fuafua mo le faaiuga o le vaiaso ua faalēaogāina ona o poplega mo le saogalemu.
