O loo vavao le toatele ile mataupu e pei ona agiga ai lipoti I le vaiaso nei o le a maua e tagata faigaluega I nofoaga e tausia ai tagata matutua ni ponesi se lua e tai 400 tala ausetalia mai lalo o se paketi o le a faaaluina ai le 209 miliona.Ua fetauaina o lea paketi o le a faalauiloa e le palemia Scott Morrison.

Fai mai o ia peimeni o le a totogiina atu I tagata faigaluega ia ile masina o Fepuali faapea Mati ma o le a fua foi I itula o loo faigaluega ai. O I latou e agavaa mo lenei ponesi oi latou e faigaluega I nofoaga o tausia ai tagata matutua, faapea foi I aiga, tagata faigaluega kiligi ma gaseseina o taumafa I nofoaga e tausia ai tagata matutua e faatupe e le malo.

Finau le vaega faaupufai a le Leipa o faiga ia a le malo, o faiga uma e faapele ai tagata aua ua lata ile faigapalota. Fai mai le Iuni o tagata faigaluega ile soifua maloloina afai e moni le palemia ile faia o ni suiga, semanu ua ia lagolagoina le talosaga mo se siitaga e 25pasene mo tagata faigaluega I luma o le Komisi o Galuega Talafeagai poo le Fair Work Commission.