Ua folafola mai e le NSW Teachers Federation o le a faia la latou solo tetee I le aso Lulu o le vaiaso fou mafua I o latou totogi. Ua o latou faatagaina foi sui o le latou federation e agai ese ma galuega poo lotoa o aoga pe afai e ulufale atu se sui faipule I lotoa o le aoga.

Fai mai le peresetene o le federation ua leai seisi gaioiga e mafai ona fai ae agai loa I le solo tetee.Afai e le totogia faiaoga I le totogi e alagatatau o le a le toe maua faiaoga o loo manaomia,

Fai mai le Federation ise suesuega sa faatino ua iloa ai o le 10 afe o faiaoga na faia iai le suesuega, o le 90 pasene o I latou ia na o latou tautino e le o lava totogi o loo totogiina ai ae 73 pasene oi latou ia na o latou faailoa ua faigata tele ona faatonutonu galuega o loo feagai ma latou.

Fai mai le premier o le setete, na te malamalama I popolega o faiaoga ae o le faaiuga ua faia e solo tetee ai, e le lelei.