O loo masalomia o se faaletonu i uaea eletise na mafua ai le mu o le faletalavai o le Maria’s HealthCare Pharmacy Ltd i le taeao anananafi.
Ua faailoa mai e le Komesina o Fuimu, Afioga Tanuvasa Petone Mauga o loo faaauau suesuega a le tineimu i le mafuaaga o le faalavelave.
O faamatalaga a nisi e pei ona ta’ua e Tanuvasa o loo faapea mai sa amata mai le mu i le lapisi i tafatafa o le faletalavai ma le ofisa o le Talofa Airways, peitai na ia ta’ua o a latou suesuega muamua o le mu na afua mai i le faletonu o le uaea eletise ma sasao mai ai i autafa o le fale.
