Ua faaopoopo pea le aofai o tagata o loo valaau mole faia ose suesuega I le tali ane ale faigamalo I afiaga o lologa iNiu Sau Uelese faapea foi male setete o Kuiniselani.

O le Premier o Niu Sau Uelese, Dominic Perrottet ua ia folafola ane o le a matuai fai lelei le iloiloga I le mataupu lenei ma le faatulagaina o fesoasoani ma lona faatonutonuina.

Peitai o loo iai foi ma nisi valaau ina ia suesueina poo le a tonu o loo faia e le faigamalo e  sauniuuni ai ma puipuia ai tagata mai faalavelave faapenei.Faamatalaga a le faipule o le Leipa, Joel Fitzgibbon na faia I le channel 7 sa saunoa ai ua le mafai lava ona tali le malo i tulaga o loo laga mai e tagata.

O iuga lata mai o palota faataitai sa faia a le Newspoll ua iloa ai ua tau fai tutusa palota mo le taitai o le Leipa Anthony Albanese ma le palemia Scott Morrison ae o loo malo palota ale Leipa mo le pati e sili ona fiafia iai tagata.