E to’atolu tagata faigaluega i le matāgaluega o leoleo, falepuipui ma le toe fuata’ina ua faamālōlō lē tumau pe suspend, ina ua maua mai le taunuuga o su’ega poo test ua faamaonia le tagofia e ia tagata faigaluega o nakoti poo fuālaau faasāina.
Ua faamaonia e le Sui Komesina le susuga Leiataua Samuelu Afamasaga lea taunuuga o su’ega i le vaega faasalalau o le Samoa Global, ma ia faailoa ai ua faamālōlō lē tumau ia tagata faigaluega e to’atolu a o faia ai se su’esu’ega atili.
E lē o faailoaina ai e le Sui Komesina poo ni malu o le malo poo ni tagata faigaluega savili ua aafia, ae mo le silafia o se tasi lea o faiga faavae a le Matāgaluega o Leoleo, Falepuipui ma le Toe Fuata’ina o le faamalosia o le faia o su’ega e sa’ili ai le aufaigaluega atoa poo aafia i le faaaogā o fuālaau faasāina.
O se tasi foi lea o faiga faavae fou mo isi auaunaga uma a le malo.
E lē o faasalalauina e le matāgaluega ata o i latou e to’atolu ua faamaonia lo latou faaaogā o fuālaau faasāina, ma e lē o faailoaina foi po ua fai ni o latou moliaga.
