O le fono a le iuni o tagata faigaluega i le Pasefika o loo usuia i Vanuatu i lenei vaiaso ua laualuga ai le igoa o Samoa i le tulaga lelei o le tapenaina o le lotoifale o ona tagata faigaluega faavaitaimi a o le’i malaga i Niu Sila ma Ausetalia.
O le fono i Vanuatu o loo talanoaina ai foi faafitauli o loo feagai ma tagata faigaluega faavaitaimi e tatau i le iuni a tagata faigaluega o le Pasefika ona silasila toto’a iai.
Sa maua se fesoota’iga ma le faauluuluga o le ofisa o le iuni o tagata faigaluega a Samoa o loo auai i lea fonotaga le faletua o Seveaogā Saina Tomi Fetalaiga.
Sa ia faailoa mai o le tuuina atu i Fono Faavae o le tapenaina o tagata faigaluega faavaitaimi mai Samoa, o se tapenaga o loo tumati’e ai le igoa o le tatou atunuu i le vaavaai mai a sui o isi atunuu o le Pasefika.
Se talanoaga ma Seveaogā Saina Tomi Fetalaiga o le faauluuluga o le Samoa First Union o loo auai i le fono a le iuni o tagata faigaluega a le Pasefika o loo usuia i Vanuatu.
