Ua pasia e le Palemene i le faitauga faalua teuteuga o le tulafono o le Faletupe Tutotonu o Samoa lea sa soālaupule e le fono faitulafono i lenei vaiaso.

Ua tuuina atu nei i se komiti faapalemene mo le toe iloiloina a o le’i toe foi ane mo le faitauga faatolu i le isi tauaofiaga o sosoo ai nei a le Fono Aoao Faitulafono.

Advertisement

O ni teuteuga ua faailoa e le ta’ita’i o le Itu Agai e teena ma lē talia e lana itu o loo agaia le malo, peita’i na saunoa le Palemia ma ia faailoa i le Palemene, o teuteuga ua finagalo iai le malo o le a siitia ai i se isi tulaga sili atu le auaunaga a le faletupe tutotonu.

Ua pasia foi e le Palemene le faitauga faalua o le tulafono taufaaofi mo le faafaigaluega o tupe i Samoa ma ua tuuina atu foi i se komiti mo le toe lauliliuina atili, ma ua tolopō ai galuega a le Fono Aoao mo le isi lua masina o lumana’i ma le faamoemoe e toe tauaofia i le masina o Oketopa.