E silia i le 60 pasene o le tupe maua a Toelau poo Tokelau mai ana i’a faatau ua ma’umau e pei ona faamatala e sui o le malo o Niu Sila.
Fai mai lipoti na aveesea mai Toelau mai le Vessel Day Scheme i le maliega ma Nauru ae e le’i faailoaina lava pe na māfua i se ā.
O faigāfaiva o se tasi lea o matāfaioi e maua ai tupe i le motu a tagata ta’ito’atasi ma ua lipotia e le RNZ o le tupe ua lusi pe ā ma le 9 miliona tālā Niu Sila i totonu o le 5 masina.
O le tula’i mai o lea tulaga o lona uiga o le a faamoemoe tele ai tagatānuu o Toelau i tupe mai ia Niu Sila ma ua lipotia ua mae’a faataatia ese e Niu Sila se vaegatupe e $138 miliona mo le va o Iuni 2024 ma le tausaga fou 2027.
Ua faailoa e le ofisa o le va i fafo a Niu Sila o le taimi nei o loo finau pea ina ia toe faataga ane e le PNA, le soofaatasi a atunuu o le Pasefika o loo aofia i le Vessel Day Scheme ina ia toe talia atu Toelau i lea faalapotopotoga.
Puna o Faamatalaga: https://www.rnz.co.nz/news/pacific/1066679/tokelau-loses-nearly-two-thirds-of-revenue-after-fisheries-pact-expulsion
