E manatu le fomai ulu mo le auaunaga e feagai ma tamaiti I le falemai tele I Motootua, Papalii Kamu Tito, ua talia talosaga atoa ai ma le fesoasoani o togafitiga faafomai ua fesoasoani I le faasaoina o le ola o si pepe sa I le falemai e aafia I le severe pneumonia male koviti 19.
O loo lipotia e le RNZ o le tagata aupito I laitiiti lea ua aafia I le koviti I Samoa ae peitai ua taua I lipoti I le aso ose vavega lava lona toe malosi aemaise e silia ma le vaiaso o iai I le potu tigaina.
Faafetaia e Papalii le fesoasoani a le fomai faapitoa mo tamaiti mai Niu Sila o Dr Fiona Miles lea na malaga atu I Samoa ma fesoasoani ai I tulaga o togafitiga e manaomia ona faia.
.Fai mai Papalii I lea lipoti sa olatou tatalo mo le pepe ia ola ma ua tali le Atua I talosaga tauala I togafitiga faafomai. Ua taua I le lipoti o le pepe ua tea I lona aiga ile maea o aso e lima sa iai ile potu tigaina.
