Ua iai le fuafuaga a Sweden poo Suetena e aveese sitiseni mai tagata e vaaia o ni faamata’u i le setete.
Fai mai le BBC ua vaaia le siitia o gaioiga a kegi ma soligatulafono o fana i le atunuu ma ua malilie ai vaega faaupufai a lea atunuu o tagata e ta’i lua sitiseni ae aofia i le faia o ni soligatulafono e oia ai le saogalemu o le atunuu, o le a aveesea loa a latou sitiseni.
Na saunoa le minisita o faamasinoga a Suetena, Gunner Strommer o loo feagai nei le atunuu ma ni tagata e ogaoga tulaga tau sauaga latou te faia faasaga i le atunuu aemaise foi soligatulafono e fuafuaina lelei, organised crimes.
I lalo o le faavae o Sweden i le taimi nei o le aveesea o se sitiseni o se tagata e lē o faatagaina ma o le tausaga fou o le a faia ai se palota i le Palemene mo lea suiga i le tulafono.
Puna o Faamatalaga: https://www.bbc.com/news/articles/cjdenz1drj8o
